葉蒨文爆林子祥大把怪癖 -

林子祥（Lam）一連四場的《林子祥佐治地球40年演唱會》前晚在紅館開鑼，身為太太的葉蒨文（沙麗）及仔仔林德信（Alex）一家三口合唱美國三人組合Peter、Paul and Mary金曲《Lemon Tree》，抵死的Lam笑指Alex說：「生佢出嚟有啲用。」唱罷，沙麗在近萬觀眾面前先讚老公是有才華及萬能藝術家，接住即踢爆Lam多個怪癖：「佢喺屋企講嘢好細聲，但佢一上台就好大聲，佢有成五架車，但佢唔揸、坐小巴，話小巴好快同埋有長者卡。」

沙麗又直指Lam貪靚：「好鍾意着衫同買名牌，又好鍾意去救世軍買衫，話好平、好抵。」連環爆料的沙麗最後冧老公說：「雖然你有好多怪癖，但你係標準真的漢子。」提到Lam在個唱上多次落淚，他解釋：「見到好多睇住佢哋大，用音樂影響咁多年、咁多人係感觸。（沙麗爆你啲怪癖？）唔知佢講咁多，其實好多人都知。」